ஸூரா 12: ஜோஸஃப் — குர்ஆனின் ஓதுதல்கள் மற்றும் வாசிப்புகள்
YouTube · 27:57
ஸூரா 12: ஜோஸஃப்
[12:1] அ.ல.ர. (எழுத்துக்களான) இவை இந்த ஆழ்ந்த வேதத்தின்* சான்றுகளாகும்.
[12:2] நீங்கள் புரிந்து கொள்வதற்காக,* இதனை ஓர் அரபிமொழியிலானதொரு குர்ஆனாக நாம் வெளிப்படுத்தியுள்ளோம்.
[12:3] இந்தக் குர்ஆனுடைய வெளிப்பாட்டின் மூலம் மிகத் துல்லியமான சரித்திரத்தை நாம் உமக்கு எடுத்துரைக்கின்றோம். இதற்கு முன்னர், நீர் முற்றிலும் அறியாதவராக இருந்தீர்.
[12:4] ஜோஸஃப் தன் தந்தையிடம், “என் தந்தையே, பதினோரு கிரகங்களையும் சூரியனையும், சந்திரனையும் நான் கண்டேன்; என் முன்னர் அவை சிரம் பணிய நான் கண்டேன்” என்று கூறியதை நினைவு கூருங்கள்.
[12:5] அவர் கூறினார், “என் மகனே, உன் சகோதரர்கள் உனக்கெதிராகச் சதியும் சூழ்ச்சியும் செய்யாமலிருக்கும் பொருட்டு, உனது கனவைப் பற்றி அவர்களிடம் கூறாதே. நிச்சயமாக, சாத்தான் மனிதனுடைய மிக மோசமான விரோதியாக இருக்கின்றான்.
[12:6] “உன் இரட்சகர் இவ்விதமாக உனக்கு அருள் பாலித்துள்ளார், மேலும் உனது கனவின் மூலம் உனக்கு நற்செய்தியைத் தந்திருக்கின்றார். அவர் இதற்கு முன்னர் உனது முன்னோர் களான ஆப்ரஹாமிற்கும், ஐசக்கிற்கும் செய்த தைப் போல், உன் மீதும், ஜேக்கபின் குடும்பத்தார் மீதும் தன் அருட்கொடைகளைப் பூரணமாக்கி இருக்கின்றார். உனது இரட்சகர் எல்லாம் அறிந்தவர், ஞானம் மிக்கவர்.”
[12:7] ஜோஸஃபிடமும் அவருடைய சகோதரர் களிடமும் தேடுதல் உள்ளவர்களுக்கு படிப் பினைகள் உள்ளன.