Sanggunian 20, Quran: Hindi Katulad ng Iba Pang Aklat

Appendiks 20

Quran: Isa sa mga Aklat na Walang Katulad

Ang Quran ay ang Huling Testamentong ipinadala ng Diyos sa mundo, at Kanyang ipinangako na ito ay bantayang mabuti laban sa anumang pagbabago (15:9). Kaya't ang Quran ay napaliligiran ng mga di-nakikitang puwersa na nagbabantay at naglilingkod dito (13:39, 41:42, 42:24).

Hindi tulad ng anumang iba pang aklat, itinuturo ng Diyos ang Quran (55:1-2); Tinuturuan Niya tayo ng kailangan natin sa oras na kailangan natin ito. Ito ang dahilan kung bakit binabasa natin ang Quran ng daang beses nang hindi nakakasawa. Maaari nating basahin ang isang nobela, halimbawa, ng isang beses lamang. Ngunit maaari nating basahin nang walang hanggan ang Quran, at nakakakuha tayo ng bagong at mahalagang impormasyon mula rito tuwing binabasa natin. Sa kabilang dako, ang mga hindi tapat na mambabasa - yaong mga nagbabasa ng Quran upang hanapin ang kamalian nito - ay nililihis mula sa Quran (7:146, 17:45, 18:57, 41:44). Sa katunayan, ang mga hindi nakikitang puwersa ng Diyos ay tumutulong sa kanila na makahanap ng mga kamalian na hinahanap nila. Dahil ang Quran ay perpekto, ang mga "kamalian" na ito ay naglalantad lamang ng kahangalan ng mga kaaway ng Diyos.

Ginagamit ng Diyos ang Kanyang sariling mga katangian upang ilarawan ang Quran; tinatawag Niya ang Quran na " `Azeem = Dakila" (15:87), "Hakeem = Punong-puno ng karunungan" (36:2), "Majid = Marilag" (50:1), at "Karim = Marangal" (56:77). Ano ang maari nating sabihin?

Dahil ang Quran ay mensahe ng Diyos para sa lahat ng tao, anuman ang kanilang wika, ang Quran ay madaling maunawaan ng mga mananampalataya, anuman ang kanilang wika (41:44). Ito ay nagpapaliwanag ng isang malalim na pangyayari: ang mga mananampalataya na hindi marunong ng Arabic ay mas maalam sa Quran kaysa sa mga Arabic speaking unbelievers. Dahil sa mga di-nakikitang puwersang naglilingkod sa Quran, ito ay madaling ma-access at nakakatuwa para sa mga tapat na mananampalataya, at lubos na hindi ma-access para sa mga di-mananampalataya (17:45, 18:57, 56:79).