ஸூரா 22: புனித யாத்திரை — குர்ஆனின் ஓதுதல்கள் மற்றும் வாசிப்புகள்
YouTube · 19:01
ஸூரா 22: புனித யாத்திரை
[22:1] மனிதர்களே, நீங்கள் உங்கள் இரட்சகரிடம் பயபக்தியோடிருக்க வேண்டும், ஏனெனில், அந்த நேரத்தின் அதிர்வானது படுபயங்கரமான ஒன்றாகும்.
[22:2] அதனை நீங்கள் காணும் நாளில், பாலூட்டிக்கொண்டிருக்கும் ஒரு தாய் தன் குழந்தையைக் கைவிட்டு விடுவாள், மேலும் ஒரு கர்ப்பிணிப் பெண் தன் கருவைச் சிதைத்துக் கொள்வாள். மக்களை அவர்கள் போதையில் இல்லாதிருந்த போதிலும், அவர்கள் போதையிலிருப்பவர்களைப் போல் தள்ளாடிய வர்களாக நீர் காண்பீர். இதன் காரணமாவது, கடவுள்-ன் தண்டனை மிகவும் அச்சமூட்டக் கூடியதாக உள்ளது.
[22:3] மனிதர்களில், அறிவின்றிக் கடவுள்-ஐப் பற்றித் தர்க்கிப்பவர்கள் இருக்கின்றனர், மேலும் கலகக்காரனான ஒவ்வொரு சாத்தா னையும் பின்பற்றுகின்றனர்.
[22:4] எவர் ஒருவர் அவனுடன் தன்னைக் கூட்டாளியாக்கிக் கொள்கின்றாரோ, அவரை அவன் தவறாக வழி நடத்துவதுடன் நரகின் மீளாத்துயரின் பால் அவரை வழிநடத்தி விடுவான் என்றும் விதிக்கப் பட்டுள்ளது.
[22:5] மனிதர்களே, மீண்டும் உயிர்ப்பித்தெழுப்புதல் பற்றி நீங்கள் ஏதேனும் ஐயம் கொண்டிருப்பின், (நினைவில் கொள்ளுங்கள்) நாம் உங்களைத் தூசியிலிருந்தும், அதன் பின்னர் தொங்கு கின்ற ஒரு (கருவாக) மாறும், மிகச்சிறியதொரு துளியிலிருந்தும் படைத்தோம், பின்னர் அது உயிரளிக்கப்பட்ட ஒரு சிசுவாக ஆகிவிடுகின்றது, அல்லது உயிரற்றதெனக் கருதப்படு கின்றது. இவ்விதமாக நாம் விஷயங்களை உங்களுக்குத் தெளிவாக்குகின்றோம். முன்னரே தீர்மானிக்கப்பட்டதொரு காலத்திற்கு* நாம் நாடியவற்றைக் கருவறைகளில் நாம் தங்கச் செய்கின்றோம். உங்களைக் குழந்தைகளாக நாம் வெளிக்கொண்டு வருகின்றோம், பின்னர் நீங்கள் முதிர்ச்சியை அடைகின்றீர்கள். உங்களில் சிலர் இளவயதில் இறந்து விடும் அதே சமயம், மற்றவர்கள், குறிப்பிட்ட ஓர் எல்லைக்கு அப்பால், எந்த அறிவையும் அதிகமாக அடைந்து கொள்ள முடியாது என்பதைக் கண்டுகொள்வதற் காகவே, மிக மோசமான வயது வரை உயிர் வாழ்கின்றீர்கள். இன்னும், நீங்கள் இறந்து விட்ட ஒரு நிலத்தைப் பார்க்கின்றீர்கள், பின்னர் அதில் நாம் தண்ணீரைப் பொழிந்தவுடன், அதில் உயிர் தளிர்க்கின்றது, மேலும் எல்லா வகை அழகிய தாவரங்களையும் முளைப்பிக்கின்றது.
[22:6] இது, கடவுள் தான் சத்தியம் என்பதையும், மேலும் இறந்தவற்றை அவர் உயிர்ப்பிக்கின்றார் என்பதையும், மேலும் அவர் சர்வ சக்தியுடையவர் என்பதையும் நிரூபிக்கின்றது.
[22:7] மேலும் அந்த நேரம் வந்து கொண்டிருக்கின்றது, அதைப்பற்றி சந்தேகமேயில்லை, மேலும் மண்ணறைகளில் உள்ளோரைக் கடவுள் மீண்டும் உயிர்ப்பித்தெழுப்புவார்.