குர்ஆன் 2:103 — பசுங்கன்று

அவர்கள் மட்டும் அறிந்திருந்தால், அவர்கள் நம்பிக்கை கொண்டு மேலும் நன்னெறியான தொரு வாழ்வு நடத்தினால் கடவுள்-இடம் இருந்து உள்ள வெகுமதி மிகவும் சிறந்ததாகும்.

[2:102] அவர்கள் ஸாலமனின் சாம்ராஜ்யம் சம்பந்தமாக சாத்தான்கள் கற்றுக்கொடுத்ததைப் பின் தொடர்ந்தனர், எனினும் ஸாலமன் நம்பிக்கை யற்றவராக இருக்கவில்லை, ஆனால் சாத்தான்கள் தான் நம்பிக்கையற்றவர்களாக இருந்தனர். அவர்கள் மனிதர்களுக்கு மாந்திரீகத்தையும், மேலும் பாபிலைச் சேர்ந்த ஹாரூத், மாரூத் என்ற இருவானவர்கள் மூலம் இறக்கப்பட்டவற்றையும் கற்றுக் கொடுத்தனர். அவர்கள் இருவரும் “இது ஒரு சோதனையாகும், இத்தகைய அறிவை நீங்கள் துஷ்பிரயோகம் செய்யக்கூடாது” என்பதைச் சுட்டிக்காட்டாமல் இப்படிப்பட்ட அறிவை வெளிப்படுத்தவில்லை. ஆனால் மக்கள், திருமணங்களை முறிப்பது போன்ற தீய சூழ்ச்சிகளுக்கு அதனைப் பயன்படுத்தினர். கடவுள்-ன் நாட்டத்திற்கு எதிராக அவர்கள் எவர் ஒருவருக்கும் ஒருபோதும் தீங்கிழைக்க இயலாது. இவ்விதமாக அவர்கள் தங்களுக்கு தீங்கு விளைவிப்பதையே கற்றுக் கொண்டனர், அவர்களுக்குப் பலன் அளிப்பதை அல்ல, மேலும் மாந்திரீகத்தைப் பயில்வோருக்கு மறுவுலகில் எந்தப் பங்கும் இல்லை என்பதை அவர்கள் முற்றிலும் அறிந்திருக்கின்றனர். அவர்கள் மட்டும் அறிந்திருந்தால், தங்கள் ஆன்மாக்களை விற்று அவர்கள் பெற்றுக் கொண்டது உண்மையில் துக்ககரமானது ஆகும்.

[2:104] நம்பிக்கை கொண்டோரே, “ ராஇனா”* (எங்கள் மேய்ப்பராக இருப்பீராக) என்று சொல்லாதீர்கள். மாறாக, “உன்ளுர்னா”(எங்களைக் கண் காணிப்பீராக) என்று நீங்கள் கூற வேண்டும், மேலும் கவனிக்க வேண்டும். நம்ப மறுப்பவர்கள் வலிமிக்கதொரு தண்டனைக்கு உள்ளாகி விட்டனர்.