ஸூரா 2: பசுங்கன்று — குர்ஆனின் ஓதுதல்கள் மற்றும் வாசிப்புகள்
YouTube · 1:25:34
ஸூரா 2: பசுங்கன்று
[2:1] அ.ல.ம.*
[2:2] இந்த வேதம் தவறிழைக்காததாகவும்; நன்னெறியாளர்களுக்கு ஒரு வழிகாட்டியாகவும் இருக்கின்றது;
[2:3] அவர்கள் காண முடியாதவற்றை நம்புபவர்கள். தொடர்புத் தொழுகைகளைக் (ஸலாத்)* கடைப்பிடிப்பவர்கள், மேலும் அவர்களுக்கான நம்முடைய** வாழ்வாதாரங்களில் இருந்து அவர்கள் தர்மம் கொடுப்பார்கள்.
[2:4] மேலும் அவர்கள் உமக்கு என்ன வெளிப் படுத்தப்பட்டதோ, அதில் உள்ளதையும் மற்றும் உமக்கு முன்னர் என்ன வெளிப்படுத் தப்பட்டதோ,* அதில் உள்ளதையும் நம்பிக்கை கொள்வார்கள், மேலும் மறுவுலகைக் குறித்து, அவர்கள் பரிபூரணமான உறுதியோடிருப்பார்கள்.
[2:5] இவர்கள்தான் தங்களுடைய இரட்சகரால் வழிநடத்தப்படுகின்றவர்கள், இவர்களே வெற்றியாளர்கள்.
[2:6] நம்பமறுப்பவர்களைப் பொறுத்தவரை, அவர்களை நீர் எச்சரித்தாலும், அல்லது அவர்களை எச்சரிக்கா விட்டாலும் அது அவர்களுக்கு சமமேயாகும்; அவர்களால் நம்பிக்கை கொள்ள இயலாது.*
[2:7] கடவுள் அவர்களுடைய இதயங்களிலும், அவர்களுடைய செவிப்புலன்களிலும் முத்திரை இடுகின்றார், மேலும் அவர்களுடைய கண்கள் திரையிடப்பட்டுள்ளன. அவர்கள் கடுமையான தண்டனைக்கு உள்ளாகி விட்டனர்.