குர்ஆன் 72:1 — ஜின்கள்

கூறுவீராக, “எனக்கு உள்ளுணர்வு அளிக்கப் பட்டது. ஜின்களில் ஒரு கூட்டத்தார் கவனத்துடன் செவியேற்றனர், பின்னர் கூறினர், ‘நாங்கள் ஓர் அற்புதமான குர்ஆனை செவியேற்றோம்.*

*72:1-28 கடவுள் எவருக்கு உலக முடிவை வெளிப்படுத்தினாரோ, அத்தூதர், இங்கே, “ரஷாத் கலீஃபா” எனக் கணித ரீதியில் பெயர் குறிப்பிடப்பட்டுள்ளார் (பின் இணைப்பு 25). 1:1 முதல் இத்தூதர் குறிப்பிடப்பட்டுள்ள இடமான 72:27 வரையுள்ள, வசனங்களின் எண்ணிக்கை 5472, 19 X 72 X 4 ஆகும். “ரஷதா” எனும் வார்த்தை சூரா 72ல் 4 முறைகள் இடம்பெறுகின்றன. “ரஷதா” வின் மதிப்பு 504 ஆகும், மேலும் 504+28 (சூரா 72ன் வசனங்கள்) 532, 19 X 28. “ரஷாத் கலீஃபா”வின் மதிப்பு (1230) + 72+28 = 1330 = 19 X 70. சூரா 72 மற்றும் அதன் வசன எண்களுடைய (28) இலக்கங்களின் கூட்டுத் தொகையாவது 7+2+2+8=19 ஆகும். அத்துடன், முக்கியத்துவம் வாய்ந்த, “அவர் தேர்ந்தெடுக்கின்ற ஒரு தூதருக்கு மட்டுமே” என்ற கூற்று 1919, 19 X 101 என்றொரு மதிப்பைக் கொண்டதாக உள்ளது.

[72:0] கடவுளின் பெயரால், மிக்க அருளாளர், மிக்க கருணையாளர்

[72:2] “ ‘அது நன்னெறியின் பால் வழிநடத்துகின்றது, மேலும் நாங்கள் அதில் நம்பிக்கை கொண்டு விட்டோம்; எங்கள் இரட்சகருடன் இணைத் தெய்வங்கள் வேறு எதனையும் நாங்கள் ஒருபோதும் அமைத்துக் கொள்ள மாட்டோம்.