سورۃ 58: مباحثہ (المجادلة) — قرآن کی تلاوتیں اور قراتیں
YouTube · 6:59
سورۃ 58: مباحثہ (المجادلة)
[58:1] خدا نے اس عورت کی بات سن لی جس نے تمہارے ساتھ اپنے شوہر کے بارے میں مباحثہ کیا اور خدا کو فریاد کی ۔ خدا نے تم دونوں کے درمیان کی گئی ساری بات چیت سن لی۔ خدا سننے والا اور دیکھنے والاہے ۔
[58:2] تم میں سے وہ جو اپنی بیویوں سے کشیدگی اختیار کرتے ہیں اپنی ماؤں کی طرح (انہیں ہم جنسی کے لئےحرام قرار دے کر) اچھی طرح جانتے ہیں کہ وہ ان کی مائیں نہیں ہیں ۔ ان کی ماؤں وہ خواتین ہیں جنہوں نے انہیں جنم دیا ۔ درحقیقت وہ ایک گستاخی اور ایک باطل کا ارتکاب کر رہے ہیں ۔ خدا درگزر کرنے والا، معاف کرنے والا ہے ۔
[58:3] وہ جو اپنی بیویوں سے اس انداز میں کشیدگی اختیار کریں، پھر اس کے بعد مصالحت کریں، ان کے ساتھ جنسی تعلقات کی شروعات سے قبل ايك غلام آزاد كریں۔ یہ آپ کو روشن خیال کرنے کے لئے ہے ۔ خدا آپ کےہر عمل سے آگاہ ہے ۔
[58:4] اگر تمہیں ایک غلام نہ مل سکےآزاد کرنے کے لئے، توتم جنسی تعلقات کی شروعات سے قبل لگاتار دومہینوں تک روزے رکھو ۔ اگر تم روزے نہیں رکھ سکتے تو پھرتم ساٹھ غریب لوگوں کو کھانا کھلاوؑ ۔ تم خدا اور اس کے رسول پر ایمان لاوؑ۔ یہ خدا کے قوانین ہیں ۔ کافروں نے ایک دردناک عذاب مول لیا ہے۔
[58:5] بیشک جو لوگ خدا اور اس کے رسول کے ساتھ لڑائی لڑتے ہیں شکست کے مرتکب ہیں ، اسی طرح جیسے ان کے سابقہ سا تھی بھی شکست کے مرتکب ہوئے ۔ ہم واضح ثبوت اُتارتے ہیں، ا ور جھٹلانے والوں نے دردناک عذآب مول لیا ہے ۔
[58:6] وہ دن آئے گا جب خدا ان سب کو دوبارہ زندہ کرے گا، پھر ان کو ھر اس عمل سے آگاہ کرے گا جو وہ کرتے تھے۔ خدا نے ہر چیزکو، درج کر رکھا ہے جبکہ یہ بھول چُکے ہیں۔ خدا ہر چیز کا گواہ ہے۔
[58:7] کیاتم سمجھتے نہیں کہ خدا ہر چیز کو جانتا ہے جوآسمانوں میں ہے اور ہر چیز جو زمین پر ہے؟ کوئی تین افراد خفیہ طور پرسازش نہیں کر سکتے ہیں بغیر اس کے کہ وہاں وہ چوتھا ہوتا ہے اور نہ پانچ بغیر اس کے کہ وہاں وہ چھٹا ہوتا ہے اور نہ ہی اس سے کم اور نہ زیادہ، بغیر اس کے کہ وہ ان کے ساتھ ہوتا ہے، چاہےوہ جہاں کہیں بھی ہو ں ۔ پھر، قیامت کے دن، وہ انہیں ہر عمل سے آگاہ کردے گا جو انہوں نے کیا تھا ۔ خدا تمام چیزوں سے پوری طرح آگاہ ہے ۔