سورۃ 63: منافقین (المنافقون) — قرآن کی تلاوتیں اور قراتیں
YouTube · 2:58
سورۃ 63: منافقین (المنافقون)
[63:1] جب منافق تمہارے پاس آتے ہیں تو کہتے ہیں کہ،”ہم گواہی دیتے ہیں کہ تم خدا کے پیغمبر ہو۔ “ * خدا جانتا ہے کہ تم اس کے پیغمبر ہو ، اور خدا گواہی دیتا ہے کہ منافق جھوٹے ہیں ۔
[63:2] اپنے ظاہری ایمان کے ڈھنگ میں وہ خدا کی راہ سے لوگوں کو بھٹکاتے ہیں۔ بے شک، بہت گھٹیا ہے وہ جو یہ کیا کرتے ہیں۔
[63:3] اس کی وجہ یہ ہے کہ، وہ ایمان لائے، پھرکفر کیا۔ لہذا، ان کے ذہنوں پر تالہ لگ چکا ہے؛ وہ سمجھتےنہیں۔
[63:4] جب تم ان کو دیکھتے ہو تو، ہو سکتا ہے کہ تم ان کی شکلوں سے مُتاثر ہو جاؤ۔ اور جب وہ بولتے ہیں ، تو ہو سکتا ہے کہ تم ان کی خوش گفتاری کو سنو۔وہ کھڑےلٹھوں کی طرح ہیں۔ وہ یہ گمان کرتے ہیں کہ ہر للکار ان کے خلاف منسوب ہے ۔ یہ حقیقی دشمن ہیں؛ ان سے بچو۔ خدا نے ان کی مذمت کی؛ وہ منحرف ہوچکے ہیں۔
[63:5] جب ان سے کہا جاتا ہے، " آو کہ خدا کا پیغمبر تمہارے لئےمغفرت ظلب کرے" وہ مسخرتاً مُنہ پھیر لیتے ہیں، اور تم انہیں دوسروں کو راہ سے دھکیلتے اور تکبر کرتے ہوئےدیکھتے ہو۔
[63:6] چاہےتم ان کی مغفرت کے لئے دعا کرویا ان کی مغفرت کے لئے دعا نہ کرو، وہ ان کے لیےایک برابر ہے ۔ خدا انہیں نہیں بخشے گا ۔ کیونکہ خدا خر اب لوگوں کو ہدایت نہیں فرماتا ۔
[63:7] یہ وہ ہیں جو کہتے ہیں کہ، "اُن لوگوں کو پیسے بلکل مت دو جنہوں نے خدا کے پیغمبر کی پیروی کی، شاید وہ اسے چھوڑ دیں!" تاہم، آسمانوں اور زمین کے خزانے خدا کے پاس ہیں، لیکن منافق نہیں سمجھتے ۔