குர்ஆன் 13:17 — இடியோசை

அவர் விண்ணிலிருந்து தண்ணீரை இறக்கி அனுப்பு கின்றார், அதன்மூலம் பள்ளத்தாக்குகள் நிரம்பி வழிகின்றன, பின்னர் அந்த நீர்வீழ்ச்சி அபரிமிதமான நுரையை உருவாக்குகின்றது. அதுபோலவே, அவர்களுடைய ஆபரணங் களுக்காகவோ அல்லது சாதனங்களுக் காகவோ உலோகங்களைச் சுத்தம் செய்ய அவர்கள் நெருப்பைப் பயன்படுத்தும் போதும், நுரை உருவாகின்றது. கடவுள் இவ்விதமாக சத்தியத்திற்கும் அசத்தியத்திற்கும் உவமானங் களை எடுத்துரைக்கின்றார். அந்த நுரையைப் பொறுத்தவரை, அது வீணாகிப் போகின்றது, அதே சமயம் மனிதர்களுக்குப் பயன் தருவதோ மண்ணிற்கு நெருக்கமாகத் தங்கி விடுகின்றது. கடவுள் இவ்விதமாக உவமானங்களை எடுத்துரைக்கின்றார்.

[13:16] “வானங்கள் மற்றும் பூமிக்கு இரட்சகராக இருப்பது யார்?” என்று கூறுவீராக, “கடவுள்” என்று கூறுவீராக, “பின்னர் ஏன் நீங்கள் அவரைத் தவிர தங்களுக்கே நன்மையோ அல்லது தீமையோ செய்து கொள்ளச் சக்தியற்ற வர்களை எஜமானர்களாக அமைத்துக் கொள் கின்றீர்கள்?” என்று கூறுவீராக. “குருடரும் பார்வையுடையவரும் சமமாவார்களா? இருளும் ஒளியும் சமமாகுமா?” என்று கூறுவீராக. கடவுள்-உடன் அவருடைய படைப்புகளுக்கு ஒப்பான படைப்புக்களை, அந்த இரு படைப்புகளுக்கும் வேறுபாடு காணமுடியாத அளவிற்கு, படைத்திருக்கும் இணைத் தெய்வங்களை அவர்கள் கண்டு விட்டனரா? “கடவுள் தான் அனைத்துப் பொருட்களின் படைப்பாளர், மேலும் அவர் ஒருவர்தான், மேலான அதிகாரம் கொண்டவர்” என்று கூறுவீராக.

[13:18] தங்கள் இரட்சகருக்கு மறுமொழி அளிப்பவர்கள் நல்ல வெகுமதிகளுக்குத் தகுதியுடையவர் களாகின்றனர். அவருக்கு மறுமொழி அளிக்கத் தவறி விட்டவர்களைப் பொறுத்தவரை, பூமியில் உள்ள அனைத்தையும் அவர்கள் சொந்தமாகக் கொண்டிருந்தாலும் - அதுபோல் இருமடங் கானாலும்-அவர்கள் உடனடியாக அதனை ஈட்டுத் தொகையாகத் தந்து விடுவார்கள். அவர்கள் மோசமான கேள்விக் கணக்கிற்கு உள்ளாகி விட்டனர், மேலும் அவர்களுடைய இறுதித் தங்குமிடம் நரகமாகும்; எத்தகையதொரு துக்ககரமான விதி.