குர்ஆன் 18:16 — குகை

“அவர்களையும், கடவுள்*-ஐ விடுத்து மற்றவர்களை அவர்கள் வழிபடுவதையும் நீங்கள் தவிர்த்துக் கொள்ள விரும்புவதால், இக்குகையில் நாம் புகலிடம் எடுத்துக் கொள்வோம். உங்களுடைய இரட்சகர் தனது கருணையை உங்கள் மீது பொழியவும், மேலும் சரியான முடிவை நோக்கி உங்களைச் செலுத்தவும் செய்வாராக.”

*18:16-20 பண்டைய நைசீனிற்கு 200 மைல்கள் தெற்கிலும்,மேலும் துருக்கியின் இன்றைய இஜ்மீருக்கு 30 மைல்கள் தெற்கிலும் எஃபிஸஸ் உள்ளது. குகைவாசிகள், இயேசுவின் போதனைகளைப் பின்பற்றவும் , மேலும் கடவுளை மட்டும் வழிபடவும் விரும்பிய இளம் கிறிஸ்தவர்கள் ஆவர். இவர்கள் இயேசுவிற்குப் பின்னர் மூன்று நூற்றாண்டுகள் கழித்து, முக்கடவுள் கொள்கை அறிவிக்கப்பட்ட நைசீன் மாநாடுகளைத் தொடர்ந்து, சீர் குலைந்த கிறிஸ்துவத்தைப் பிரகடனம் செய்த நவீன கிறிஸ்தவர்களின் அடக்குமுறையிலிருந்து தப்பி ஓடியவர்கள் ஆவர். 1928ல், ஃப்ரான்ஜ் மில்ட்னர், என்ற ஆஸ்திரியத் தொல்பொருள் ஆய்வாளர் ஒருவர் எஃபிஸஸில் உறங்கிய அந்த ஏழு பேரின் கல்லறையைக் கண்டு பிடித்தார். அவர்களுடைய சரித்திரம் ஏராளமான கலைக்களஞ்சியங்களில் நன்கு பதிவு செய்யப்பட்டுள்ளது.

[18:15] “இதோ, நமது சமூகத்தார் அவருடன் தெய்வங்களை அமைத்துக் கொள்கின்றனர். அவர்களுடைய நிலைக்கு ஆதாரமாகச் சான்று எதையேனும் அவர்களால் மட்டும் வழங்க முடிந்தால்! பொய்களை இட்டுக்கட்டி மேலும் அவற்றைக் கடவுள் மீது சாட்டுகின்ற ஒருவனைவிட மிகத் தீயவன் வேறு யார்?

[18:17] அவர்கள் அதிலுள்ள குழியில் உறங்கிக் கொண்டிருந்தபோது, சூரியன் அதன் உதயத்தின் போது அவர்களுடைய குகையின் வலப் புறமிருந்து வந்து கொண்டிருந்ததையும், மேலும் அதன் அஸ்தமனத்தின் பொழுது அவர்களுடைய இடப்புறமிருந்து பிரகாசித்ததையும் நீர் கண்டிருக்க இயலும். இது கடவுள்-ன் அற்புதங்களில் ஒன்றாகும்*. எவரொருவரைக் கடவுள் வழிநடத்துகின்றாரோ, அவரே உண்மையில் வழிநடத்தப்பட்டவர், மேலும் எவரொருவரை அவர் வழிகேட்டில் அனுப்பி விடுகின்றாரோ அவருக்கு வழிகாட்டும் ஓர் ஆசிரியரை நீர் காணமாட்டீர்.