குர்ஆன் 30:33 — ரோமானியர்கள்

وَإِذا مَسَّ النّاسَ ضُرٌّ دَعَوا رَبَّهُم مُنيبينَ إِلَيهِ ثُمَّ إِذا أَذاقَهُم مِنهُ رَحمَةً إِذا فَريقٌ مِنهُم بِرَبِّهِم يُشرِكونَ

துன்பம் மக்களை வருத்தும் பொழுது, தங்களை முற்றிலும் அவருக்கு அர்ப்பணித்தவர்களாக, அவர்கள் தங்கள் இரட்சகரின் பால் திரும்பு கின்றனர். ஆனால் பின்னர், அவர்கள் மீது அவர் கருணையைக் கொண்டு பொழிந்தவுடன், அவர்களில் சிலர் இணைவழிபாட்டிற்கு மீண்டும் திரும்பி விடுகின்றனர்*.

*30:33 தங்களைக் குணப்படுத்தியதற்காக புனித ஜூடிற்கு நன்றி தெரிவித்து மக்கள் தினசரிகளில் கொடுக்கின்ற வகைப்படுத்தப்பட்ட விளம்பரங்களை நாம் காண்பது ஒரு பொதுவான உதாரணமாகும். அறுவைசிகிச்சைக்கு உட்படுத்தப்படுவதற்கு முன்னர், அவர்கள் தங்களைக் குணப்படுத்தும்படிக் கடவுளிடம் உண்மையாக இறைஞ்சிப் பிரார்த்திக்கின்றனர். ஆனால் அறுவை சிகிச்சை வெற்றியடைந்தவுடன், அவர்கள் புனித ஜூடிற்கு நன்றி தெரிவிக்கின்றனர்!!!

[30:32] தங்களுடைய மார்க்கத்தைப் பிரிவுகளாகப் பிரித்துக் கொண்டவர்களைப் போல், (இணைத்தெய்வ வழிபாட்டில் விழுந்து விடாதீர்கள்); ஒவ்வொரு பிரிவும் தங்களிடம் இருப்பதைக் கொண்டு மகிழ்ச்சியடைகின்றது.

[30:34] நாம் அவர்களுக்குக் கொடுத்தவற்றிற்கு அவர்கள் நன்றி கெட்டவர்களாக இருந்து கொள்ளட்டும். தற்காலிகமாகச் சுகமனுபவியுங்கள்; நீங்கள் நிச்சயமாக கண்டு கொள்வீர்கள்.