குர்ஆன் 32:13 — சிர வணக்கம்

நாம் நாடியிருந்தால், ஒவ்வொரு ஆன்மா விற்கும் அதனுடைய வழிகாட்டலை நம்மால் கொடுத்திருக்க இயலும், ஆனால் ஜின்கள் மற்றும் மனிதர்கள் ஆகிய அனைவரையும் ஒன்று சேர்த்து நரகத்தை நான் நிரப்புவேன் என்பது முன்னர் ஏற்கெனவே தீர்மானிக்கப் பட்டு விட்டது.*

*32:13 பெரும்பாலான மக்கள், அவர்களை மீட்டுக் கொள்வதற்கான கடவுளின் அழைப்பை அலட்சியம் செய்வதைத் தேர்ந்தெடுப்பதன் மூலமாக, நரகத்திற்குச் செல்வதை “ வலியுறுத்துகின்றனர்.” ஒரே ஒரு நபரை கூட கடவுள் நரகத்தில் போடுவதில்லை. இணைவழிபாட்டை வெளிப்படையாகக் கண்டனம் செய்து மேலும் கடவுளுக்கு மட்டும் தங்களையே அர்ப்பணித்துக் கொள்வதன் மூலம் தங்களுடைய ஆன்மாக்களை மீட்டுக்கொள்ளத் தவறி விட்டவர்கள், மேலும் நமது படைப்பாளரால் விதிக்கப்பட்டுள்ள வழிபாட்டு முறைகளின் மூலமாகத் தங்களுடைய ஆன்மாக்களை வளர்த்துக் கொள்ளத் தவறிவிட்டவர்கள், தங்களுடைய சுயமான விருப்பத்தின்படியே நரகத்தை நோக்கி ஓடியாக வேண்டும். கடவுளுடைய உடல் சார்ந்த சக்தியைத் தாங்கமுடியாதவாறு அவர்கள் மிகவும் பலஹீனமாக இருப்பார்கள்.

[32:12] குற்றவாளிகள் தங்களுடைய இரட்சகரின் முன் அவர்களுடைய தலைகளைக் குனிந்து கொண்டு இருக்கும்போது மட்டும் அவர்களை நீர் காணமுடிந்தால்: “ எங்கள் இரட்சகரே, இப்போது நாங்கள் பார்த்துவிட்டோம் மேலும் கேட்டு விட்டோம். எங்களைத் திருப்பி அனுப்பு வீராக, அப்போது நாங்கள் நன்னெறியாளர் களாக இருப்போம். இப்போது நாங்கள் உறுதிப்பாட்டை அடைந்து விட்டோம்.”*

[32:14] இந்த நாளை நீங்கள் மறந்துவிட்டதன் விளைவு களைச் சுவையுங்கள்; இப்போது நாம் உங்களை மறந்து விட்டோம். உங்களுடைய சொந்தச் செயல்களுக்குப் பிரதிபலனாக நிரந்தரமான தண்டனைக்கு நீங்கள் உள்ளாகி விட்டீர்கள்.