குர்ஆன் 5:38 — விருந்து

திருடியவர், ஆணோ அல்லது பெண்ணோ, அவர்களுடைய குற்றத்திற்குத் தண்டனை யாகவும்,* மேலும் கடவுள்-இடமிருந்து ஒரு உதாரணமாகத் திகழவும் நீங்கள் அவர்களுடைய கரங்களில் அடையாளமிட வேண்டும். கடவுள் சர்வ வல்லமையுடையவர், ஞானம் மிக்கவர்.

*5:38 போலி முஸ்லிம்களால் உத்திரவிடப்பட்டு நடைமுறையில் இருக்கும், திருடனின் கையை கத்தரிப்பது, குர்ஆனின் அடிப்படையில் இல்லாத சாத்தானின் வழிமுறையாகும். இந்த உதாரணத்தின் சிறப்பு முக்கியத்துவத்தைக் கருதி, கையைக் கத்தரிக்காமல் அதில் அடையாளம் தான் இடவேண்டும் என்பதற்கு ஆதரவாக, கணிதச் சான்றை கடவுள் கொடுத்துள்ளார். வசனம் 12:31-ல் ஜோஸஃப்பைக் கண்டு அதிசயித்த பெண்கள் தங்களுடைய கைகளை கத்தரித்துக்கொள்ளவில்லை என்பது தெளிவாகத் தெரிந்த ஒன்று; யாராலும் அவ்வாறு செய்ய இயலாது. இவ்விரு வசனங்களின் 5:38 மற்றும் 12:31ன் சூரா எண்ணையும் வசன எண்ணையும் கூட்டினால் கிடைப்பது இரண்டிலுமே 43 தான். மேலும் இந்த கணிதக் கூற்று குர்ஆனின் பத்தொன்பது அடிப்படையிலான குறியீட்டுடன் ஒத்து இருக்க வேண்டும் என்பது கடவுளின் நாட்டமாகவும் கருணையாகவும் உள்ளது. 12:31-க்கு 19 வசனங்களுக்கு பிறகு 12:50ல் இதே வார்த்தையை நாம் பார்க்கலாம்.

[5:37] அவர்கள் நரகத்தை விட்டு வெளியேறு வதற்கு விரும்புவார்கள். ஆனால் அந்தோ, அவர்கள் அதிலிருந்து ஒரு போதும் வெளியேற இயலாது; அவர்களுடைய தண்டனை நிரந்தர மானது.

[5:39] ஒருவர் இந்தக் குற்றத்தைச் செய்ததற்குப் பின்னால் வருந்தித்திருந்தி மேலும் சீர் திருத்திக் கொண்டால், கடவுள் அவரை மீட்டுக் கொள்வார். கடவுள் மன்னிப்பவர், மிக்க கருணையாளர்.