குர்ஆன் 9:80 — இறுதியான எச்சரிக்கை

அவர்களுக்காக நீர் பாவமன்னிப்புக் கேட்டாலும், அல்லது அவர்களுக்காக நீர் பாவ மன்னிப்புக் கேட்காவிட்டாலும்-அவர்களுக் காக நீர் எழுபதுமுறை பாவமன்னிப்புக் கேட்டாலும்-கடவுள் அவர்களை மன்னிக்க மாட்டார். இதற்கு காரணம் அவர்கள் கடவுள்-ஐயும் அவருடைய தூதரையும் நம்ப மறுத்ததே யாகும். கடவுள் தீய மக்களை வழிநடத்த மாட்டார்.

*9:80 முஹம்மது தன் சொந்தப் பெற்றோரின் உடன்பிறந்த சகோதரர்கள் மற்றும் பெற்றோரின் உடன்பிறந்தோருடைய மக்கள் ஆகியோரின் சார்பாகக் கூட பரிந்துரை செய்ய முடியாது எனும்போது, அவரை ஒருபோதும் சந்தித்திராத அந்நியர்களை, அவர் தங்கள் சார்பாகப் பரிந்துரை செய்வார் என்று எண்ண வைப்பது எது? ஆப்ரஹாம் தன் தந்தையின் சார்பாகப் பரிந்துரை செய்ய முடியாது. அன்றியும் நோவா தன் மகனின் சார்பாகவும் பரிந்துரை செய்ய முடியாது (11:46 & 60:4).

[9:79] எவர்கள் அதிகமாகக் கொடுப்பதற்காகத் தாராள மனம் கொண்ட நம்பிக்கையாளர்களை குறைகூறுகின்றார்களோ, மேலும் குறைவாகக் கொடுப்பதற்காக ஏழை நம்பிக்கை யாளர்களை கேலி செய்கின்றார்களோ, அவர்களைக் கடவுள் இகழ்கின்றார். அவர்கள் வலிமிகுந்த தொரு தண்டனைக்கு உள்ளாகி விட்டனர்

[9:81] கடவுள்-ன் தூதருக்குப் பின்னால் அவர்கள் தங்கி விட்டது குறித்து சரீர உழைப்பில்லா தவர்கள் மகிழ்வடைந்தார்கள், மேலும் தங்கள் செல்வத்தையும் தங்கள் வாழ்வுகளையும் கொண்டு கடவுள்-க்காகப் பாடுபடுவதை வெறுத்தார்கள். அவர்கள், “இந்த வெயிலில் நாம் ஒன்று திரண்டு புறப்பட வேண்டாம்!” என்று கூறினார்கள். அவர்கள் மட்டும் புரிந்துகொள்ள முடிந்தால், “நரகத்தின் நெருப்பு இதனைவிட அதிக சூடானதாகும்,” என்று கூறுவீராக.